లీలామోహనం

స్వామికార్యంనుంచి(ధనుర్మాసం) స్వకార్యంలోకి(సంక్రాంతి సస్యమాసం)

2012-01-18T05:52:00.000+05:30

ధనుర్మాస దీపోత్సవం

2012-01-15T04:00:00.000+05:30

హనుమత్ రక్షాయాగానికి మంగళా శాసనాలు అనుగ్రహించిన శ్రీశ్రీశ్రీ అష్టాక్షరి సంపత్కుమార రామానుజ జియర్ స్వామివారు

2012-01-13T05:43:00.000+05:30

గ్రహ స్థితులవల్ల 2012లో సంభవిస్తున్న ఉపద్రవాలు,ప్రమాదాలు,ప్రకృతి పరంగా ఎదురయ్యే అన్ని ఇబ్బందులను అధిగమించడానికి, మనం ఎదుర్కొంటున్న సమస్యలు,కష్టాలు తొలగించుకొని సుఖశాంతులు పొందుటకు గ్రహబాధలు లేకుండా ఉండుటకు,విధ్యార్థుల్లో ఏకాగ్రత పెరిగి చక్కటి విజయాలు సాధించడానికి హరిసేవ దుర్గేశ్వరరావుగారు కోటిహనుమాన్ చాలీసా పారాయణం అష్టోత్తర శత కుండీయ హనుమత్ రక్షాయాగం తలపెట్టారు.ఈ కార్యక్రమం నిర్విఘ్నంగా కొనసాగి అందరూ సుఖశాంతులతో వర్ధిల్లడానికి మహానుభావులు,దైవాంశ సంభూతులైన పరమ గురువుల ఆశీస్సులు పొందాలని సంకల్పించారు.ఈ కార్యక్రమంలో భాగంగా ధనుర్మాస కాలంలో తాడిపత్రిలో చింతల వెంకటరమణుడు,కోదండరాముడు,రంగనాథస్వాములను సేవిస్తూ నారాయణ అష్టాక్షరీ వైభవం గురించి అధ్బుతంగా అనుగ్రహ భాషణాలు చేస్తున్న శ్రీశ్రీశ్రీ అష్టాక్షరి సంపత్కుమార రామానుజ జియర్ స్వామివారు మేము అడిగినదే తడవుగా ఓయస్సంటూ హరిసేవ దుర్గేశ్వర గారు తలపెట్టిన హనుమత్ రక్షాయాగ కరపత్రాన్ని తమ శ్రీకృష్ణ పెరుమాళ్ళు,ఆచార్యుల పాదాల వద్ద ఉంచి యాగం నిర్విఘ్నంగా జరగాలని,సమస్త మానవాళి సుఖశాంతులతో వర్ధిల్లాలని మంగళా శాసనాలను అందించారు.వారికి సాష్టాంగ దండ ప్రణామములు.

యాగ వివరణ

యాగంలో మనం పాటించాల్సిన నియమాలు చిత్రంపైన క్లిక్ చేయండి.

మంగళా శాసనాలను అనుగ్రహించిన గురువులు

ధనుర్మాస దీపోత్సవం రోజున తీర్చిదిద్దిన రంగవల్లులు

2012-01-12T04:59:00.000+05:30

తాడిపత్రిలో ధనుర్మాసంలో నగర సంకీర్తన -విడియో

2012-01-09T04:13:00.001+05:30

కనుమూరి బాపిరాజుగారూ! మీకిది తగునా?

2012-01-08T05:13:00.001+05:30

శ్రీనివాసుని సన్నిధిలోగానీ ఏ దేవాలయంలోనైనాగానీ మనం భగవంతునికి తప్ప ఇతరులకు నమస్కారం చేయకూడదు అందునా పాదాభివందనం అసలు చేయకూడదు.ఒకవేళ చేసినా శ్రీనివాసా అనో గోవిందా అనో శ్రీమన్నారాయణా అనో ఎదుటి వారిలో భగవంతుణ్ణి దర్శిస్తూ నమస్కరించాలి.మరి భగవంతునిపై భక్తీ,విశ్వాసమున్న మీరు కేంద్ర మంత్రి అయిన సుశీల్‍కుమార్ షిండేగారికి పాదాభివందనం చేయడం ఎంత వరకు సమంజసం.ఎంత మీలో కాంగ్రెస్ సంస్కృతి జీర్ణించుకుపోయివున్నా,దాస్యప్రవృత్తి ఉన్నా దేవాలయంలో ఇది తగదు.ఇలాంటివి మళ్ళీ పునరావృత్తం కాకుండా చూసుకోండి.

భగవంతుని ముందు అందరూ సమానం కాదా?

2012-01-08T04:45:00.001+05:30

జంతూనాం నరజన్మ దుర్లభమ్ అన్నారు.సృష్టిలోని 84 లక్షల జీవ రాశులలో దుర్లభమైన ఈ నరజన్మ గొప్పదనాన్ని తెలుసుకొని ప్రవర్తించాలి.మానవత్వం పూర్ణత్వమును చెందాలి.మనిషి తన జీవితకాలంలో పూర్ణ గుణములను వరించి పూర్ణాకారాన్ని ధరించాలి.ఇటువంటి పూర్ణత్వమునకే వైకుంఠము అని పేరు.కుంఠము అనగా లోపించుట,కుంటుపడుట అని అర్థము.అవి లేని స్థితియే వైకుంఠము.
ఏకాదశ అంటే పదకొండు 5 పంచేంద్రియాలు,5 జ్ఞానేంద్రియాలు, మనస్సు.వీటన్నిటి ఏకత్వమే పరిపూర్ణస్థితి.అందువల్లనే మనం వైకుంఠ ఏకాదశి పర్వదినాన్ని మనం ప్రతి సంవత్సరం జరుపుకుంటున్నాం.
వైకుంఠాన్ని(పూర్ణత్వ ప్రదేశము) చేరేందుకు మనకు రెండు ద్వారాలు అడ్డుగా ఉంటాయి.అవి ఆత్మస్తుతి,పరనింద.అసూయ అనే గడియ వేసి ఆ ద్వారాలను బంధిస్తాం.అదీ సరిపోక అహంకారమనే పెద్ద తాళం వేస్తాం.మనం చేసే సాధనలన్నీ ఆ ద్వారాన్ని తెరచేటందుకే.తాళము తెరచి ద్వారాలను తెరచినప్పుడే వైకుంఠం లోనికి ప్రవేశించే వీలవుతుంది.భక్తి ఉండటమే ఆ తాళాన్ని తీసేటందుకు కావలసిన కీలకము.

మరి వైకుంఠ ఏకాదశినాడు తిరుమలలో V.I.P లు V.V.I.Pలు అని చెప్పబడే వాళ్ళు చేసిన పనేమి?తి తి దేవస్థానం మాకు సరిగ్గా దర్శనం ఏర్పాటు చేయలేదు,ఇన్నేళ్లలో ఎప్పుడూ ఇలాంటి దర్శనం చేసుకోలేదు అని మీడియా ముందు బాధపడ్డారు.తాము గొప్పవాళ్ళమనే ఆత్మస్తుతి.దర్శనం సరిగ్గా కల్పించలేదనే పరనింద,అహంకార ప్రదర్శన.మరి ఇలాంటి ప్రవర్తనతో వీరు వైకుంఠాన్ని నిజంగా చేరుకుంటారా? ఆ భగవంతుడు వీరి అహంకారాన్ని మన్నిస్తాడా? ప్రజా సేవకులమంటారు,ప్రజలే దేవుళ్ళంటారు ఆ దేవుని ముందే ప్రజలను అవమానించడం కాదా?మీ అందరకూ భగవంతుని దగ్గర రాచమర్యాదలు చేస్తూ ఉంటే లక్షలాదిగా తరలి వచ్చిన మాలాంటి సామాన్య భక్తుల పరిస్థితేంటి?

ఎంత త్వరగా ఏడుకొండలెక్కితే అంత త్వరగా శ్రీనివాసుని దర్శించుకుంచుకోవచ్చు కదా అని ఒక్క నిమిషం కూడా సేదతీరకుండా జవవరి 4 వతేదీనాడు 2 గంటలలోనే అలిపిరి మార్గం ద్వారా తిరుమల చేరుకుంటే అక్కడ స్వామివారేమో నీకు ఏకాదశి దర్శనం లేదు 6వతేదీ ద్వాదశి రోజు ఉదయం 8గంటలకే నా దర్శనమంటే చిత్తం స్వామీ అని తలనీలాలు సమర్పించుకొని వరాహ స్వామి వారిని దర్శించుకొని తిరుపతికి మరలి వచ్చాను.ద్వాదశి రోజయినా త్వరగా దర్శనమిచ్చారా అంటే అదీ లేదు ఉదయం 7 గంటలకు క్యూలో కెళ్తే మధ్యాహ్నం 1 గంటకు దర్శనమిచ్చారు అదీ లిప్తకాలం పాటు.స్వామివారి దర్శనం కోసం మూడు రోజులు వేచి ఉన్న మాకు బాధ కలగాలిగానీ వస్తూనే శ్రీనివాసుని దర్శనమయిన V.I.Pలు అనబడే మీకెందుకు? మీరు కూడా మాలాంటి సామాన్య ప్రజల మాదిరి క్యూ లైన్లలో వస్తే తెలుస్తుంది మాకన్నా మీరెంత అదృష్టవంతులో అని? ఆ దర్శనంలో ఉన్న ఆనందమేమిటో కూడా మీకు తెలుస్తుంది.సులభంగా దర్శనం పొందుతుండడం వల్లనే కాబోలు ఆ స్వామిపై మీకు భక్తి కూడా కరువవుతోందనిపిస్తోంది. అయినా లక్షలాదిగా తరలి వస్తూ ఉంటే ఎవరైనా ఎంతని సేవలందిస్తారు. తి తి దేవస్థానంవారు మాత్రం చక్కటి ఏర్పాట్లు చేసారనే చెప్పాలి.క్యూలైన్లలో చిక్కటి వేడి పాలను,అల్పాహారాలను భక్తులకు అందిస్తున్నారు.ముఖ్యంగా పరిశుభ్రత విషయం.తిరుమలలోనే కాదు కాలి నడక ప్రాంతంలోనూ,రహదారి మార్గంలలో కూడా పరిశుభ్రతను చక్కగా అమలు పరుస్తున్నారు.శుభ్రపరచేవారికి నా నమస్సులు.వారికి భక్తులుగా మన వంతు సాయం కూడా అందిస్తే బాగుంటుంది.పాలు ,అల్పాహారాలు తీసుకున్న తర్వాత గ్లాసులు,పేపర్ ప్లేట్లు క్యూలైన్లలో ఎక్కడ బడితే అక్కడ వదలి వేయడం కనిపిస్తూ ఉంటుంది. అడుగడుగునా చెత్తకుండీలను ఏర్పాటు చేసినా వాటిలో వేయకుండా ఎక్కడంటే అక్కడే పారవేస్తుంటారు.చెత్తకుండీల్లో వేస్తే పారిశుద్ధ పనివారికి సహాయం చేసిన వారమవుతాము.

క్యూలైన్లలో భక్తులు ఏమయితే చేయకూడదో అవే చేస్తుంటారు.నిశ్శబ్ధం పాటిస్తూ,లేదా గోవింద నామ స్మరణ చేస్తూ సాగాల్సిన నడక చెత్త రాజకీయ విషయాల గురించో లేదా సినిమాల గురించో గట్టిగా మాట్లాడుతూ శబ్ధకాలుష్యాన్ని సృష్టిస్తుంటారు.ఇంకొంత మందేమో జంతికలూ,వడియాలను పెద్ద పెద్ద శబ్దాలు చేస్తూ తింటూ ఉంటారు.తినేవాళ్ళకు ఆనందమేగానీ ప్రక్కనున్న వారి పరిస్థితి మాత్రం ఘోరం.

ఈసారి కాలినడకలో నేను గమనించిన మంచి విషమేమిటంటే దాదాపు 95 శాతం భక్తులు పాదరక్షలు లేకుండా కొండ ఎక్కడం.ఇది మంచి పరిణామం.ఇంకా కొంతమంది మోకాళ్ళ పర్వతాన్ని మోకాళ్ళతో ఎక్కడం, వికలాంగులు కూడా కొండ నడచి ఎక్కడం నాకు ఆనందం కలిగించిన విషయం.

ఏది ఏమైనా దర్శనంలో చాలా ఆలస్యమయినా కూడా ఈసారి తిరుమల శ్రీనివాసుని వైకుంఠ దర్శనం నాకు మధురానుభూతులను అందించింది.

సమాశ్రయణం

2012-01-02T04:49:00.000+05:30

ఈ రోజు నేను శ్రీశ్రీశ్రీ అష్టాక్షరి సంపత్కుమార రామానుజ జియర్‍స్వామి వద్ద సమాశ్రయణమవుతున్నాను. సమాశ్రయణమంటే ఏమిటో తెలుసుకుందాం.

సమాశ్రయణం అంటే వైష్ణవ దీక్ష అని అంటారు. దీన్నే పంచ సంస్కారం అని కూడా అంటారు. ఒక అరటి పండును తీసుకుంటే, తినే ముందు దాని తొక్క తీసివేసి తినే యోగ్యమైన సంస్కారం దానికి ఏర్పరిచి అప్పుడు తింటాం. ఏ పక్రియ ద్వారా అయితే ఒక వస్తువుకు దాని లక్ష్యాన్ని చేరే స్థితి ఏర్పడుతుందో దాన్నే సంస్కారం అని అంటారు.అయితే మనిషికి జరగాల్సినవి 5 రకాల సంస్కారాలు ఉంటాయి అని పాంచరాత్ర ఆగమాలు తెలుపుతున్నాయి. అవి మనం ధరించే బొట్టుని పుండ్ర సంస్కారమని, రెండు భుజములకు భగవంతుడి గుర్తులుగా చెప్పబడే శంఖ-చక్రాదులను ధరించడాన్ని తాపసంస్కారమని, మనకు లభించే కొత్త పేరుని నామ సంస్కారమని, గురువు ద్వారా మూడు మంత్రములు అందును దాన్ని మంత్ర సంస్కారమని, జీవనాన్ని క్రమబద్దం చేసుకోవడాన్ని యాగ సంస్కారమని ఇలా ఈ ఐదింటిని కలిపి పంచ సంస్కారాలు అని అంటారు.

1. పుండ్ర సంస్కారం

ఆగమ పద్దతుల ద్వారా జ్ఞానానికి గుర్తుగా బొట్టును సరియైన విధంగా ధరిస్తాం. మామూలుగా లోకంలో కొన్ని రంగులు కొన్ని విషయాలని సూచిస్తాయి. ఎరుపు ప్రేమని, పసుపు మంగళాన్ని, తెలుపు ప్రశాంతతని సూచిస్తాయి. మనిషి తన లోని ప్రపంచం నుండి జ్ఞానం ద్వారా బయటి ప్రపంచాన్ని చూస్తాడు. కన్ను జ్ఞానానికి గుర్తు, ఆ రెండు కన్నుల మద్య స్థానాన్ని జ్ఞాన కేంద్రం అని అంటారు. మొదట ఆధారంగా ఒక గీత దానిపై 'U' ఆకారంలో తెల్లగా ఉన్న గుర్తును ధరిస్తాం ప్రశాంతతకు సూచకంగా. దానిపై ప్రేమకు చిహ్నంగా లేత ఎరుపు రంగు లో ఉన్న చిహ్నాన్ని ధరిస్తాం. ఆ ప్రేమ మనల్ని ఉన్నత స్థితిలోకి తీసుకు పోవాలి అందుకు అది పైకి చూపుతున్నట్టుగా ఉండాలి. తెలుపు సత్వానికి కూడా సూచకం. బ్రహ్మ రజో గుణ సంపన్నుడు, శివుడు తమో గుణ సంపన్నుడు, విష్ణువు సత్వ గుణ సంపన్నుడు. మనం సత్వానే కోరుకుంటాం. అందుకు సంభందించిన విష్ణువునే ఆరాదిస్తాం. విష్ణు సంభందిత రూపాలనే స్వీకరిస్తాం. అందుకు మనల్ని వైష్ణవులుగా భావించుకుంటాం. మిగతా వారిని ద్వేషించం. అన్నింటిలోనూ విష్ణు రూపాన్నే చూస్తాం. విష్ణువుని శిరసాధరిస్తాం. 'U' ఆకార గుర్తు ఆయన పాదాలకు చిహ్నం. సత్వాన్ని పెంచుకొనే ప్రక్రియలో భాగం ఇది. ప్రేమతో మంచి మార్గాన్ని చూపేది తల్లి, ఆ తల్లి రూపంలో భగవంతుడి లోంచి ప్రేమను, దయను పైకి వెలువరించేది శ్రీ కాబట్టి, ఆ శ్రీ ద్వారా మనం భగవంతుడిని చేరుతాం. అందుకు గుర్తు లేత ఎరుపు రంగు లో ఉన్న చిహ్నం. ఆ ప్రేమ మంగళ కరంగా ఉండాలి కనుక పసుపు కల్గి ఉంటుంది, దాన్నే 'శ్రీ చూర్ణం' అంటారు.

2 తాప సంస్కారం
ఎన్నో జన్మలుగా మనం కర్మలు చేస్తూ వస్తున్నాం, అందువల్ల మనను అంటిపెట్టుకొని ఉన్న పాపాలను తొలగించుకోవాడానికి, ఉపనిషత్తులలో చెప్పినట్లుగా భగవంతుడి గుర్తులుగా చెప్పబడిన శంఖ-చక్రాలని మన భుజమున అద్దిన నిప్పులో వేసిన దూది ఎట్లా బస్మం అవుతుందో అట్లా బస్మం అవుతాయి. దీన్నే తాప సంస్కారం అని అంటారు.
3 నామ సంస్కారం
ఇక నుండి ఎట్లాంటి తప్పులని చెయ్యక, చేసే ప్రతి పని ఇది నేను చేస్తున్నాను, నేను తింటున్నాను అని భావించక ఇది భగవంతుడి కోసం అని చేస్తాం. ఆ భావన కోసం మంత్రాలను అనుసంధానం చేస్తాం. ఆ భావన తో అన్ని పనులు చేస్తాం. అందుకే యముడు తన దూతలని వైష్ణవుల జోలికి వెల్లవద్దని తన దూతలకు చెప్పాడు, ఇది మహాభారతంలో అజామయుడి సన్నివేశంలో ఉంది. మరి వైష్ణవులకు గుర్తు ఎమిటి అన్న ప్రశ్నలకు యముడు 3 పై పైకి కనిపించే గుర్తులు, 3 లోన కనిపించే గుర్తులు చెప్పాడు. అవి వైష్ణవులు ధరించే బొట్టు, భుజాన శంఖ చక్రముల ముద్ర మరియు మెడలో తులసి మాల. లోన మరో మూడు గుర్తులు. అవి కష్టం కలిగినా, సుఖం కలిగినా భగవంతుడిని మరచి పోనివారు, ఎవ్వరిని ద్వేశించనివారు, ఎవ్వరికి కష్టం లేక సుఖం కల్గినా తమకే కలిగిందని భావించువారిని వైష్ణవులుగా గుర్తించవచ్చునని. అన్నో జన్మలు తీసుకున్నాం ఇంతవరకు, కానీ భగవంతుడు అనే జ్ఞానం ఇప్పుడు కలిగింది, దీన్నే జ్ఞాన జన్మ అంటారు. ఇక ఈ జ్ఞానం కలిగాక మల్లీ పుట్టాల్సిన పని ఉండదు. మనకు ఈ వైష్ణవ జన్మ అందించిన ఆచార్యుడి నామాన్ని మనం మన నామంగా స్వీకరిస్తాం. వేదాల్లోని రహస్యాలని అంతకుముందు ఎవ్వరు సాహసించి బయటికి చెప్పలేదు. శరణూ అంటూ వచ్చిన వాడిని ఎవ్వరినైనా రక్షిస్తానని భగవంతుడు చెప్పిన మాటలే కదా. రామానుజాచార్యులు రుచి ఉంటేచాలు వారికి వైష్ణవాన్ని అందించండి అంటూ 74 మంది తన శిష్యుల ద్వారా లోకాన్ని తరింపజేసారు. వారి ఉపకార కృతజ్ఞతగా వారి నామాన్ని మనం శిరసా ధరిస్తాం. అందుకే రామానుజ దాస లేక రామానుజ దాసి అని మన పేరు చివరన ధరిస్తాం.

4 మంత్ర సంస్కారం

ఈ జ్ఞాన జన్మకి గురువు తండ్రి అయితే, మత్రం తల్లి. పరంపరగా వచ్చే గురువులనే మనం స్వీకరిస్తాం. వారి ద్వారానే మనం మంత్రాన్ని పొందుతాం. ఆ మంత్రార్థాలతో మనం జీవనం కొనసాగిస్తాం.

5 యాగ సంస్కారం

ఎప్పుడైతే మనం ఈ శరీరం భగవంతుడు ఉండే స్థలమని భావిస్తున్నామో, ఆ శరీరంతో చేసే ప్రతి పని యాగం అవుతుంది. దీన్నే పూజ అని కూడా అంటారు. పూజ అంటే కేవలం భగవంతుడి ముందర కూర్చొని చేసేది కాదు అని గుర్తించాలి. అలా చేయడానికి మనం శరీరానికి ఏది తగునో దాన్నే ఆహారంగా ఇస్తాం. సాత్విక ఆహారాన్నే స్వీకరిస్తాం.

'సం' అంటే ఒక గురువు ద్వారా లేక మంచిగా అని అర్థం, 'ఆశ్రయణం' అంటే అశ్రయించడం అని అర్థం. మంచి మార్గాన అడుగు పెట్టడాన్నే సమాశ్రయణం అని అంటారు.

*జై శ్రీమన్నారాయణ*

http://sites.google.com/site/jaisrimannaaraayana/veda-margam/samasrayanam

స్వామివారి రాకతో పునీతమైన మా పల్లె

2011-12-31T05:32:00.000+05:30

శ్రీశ్రీశ్రీ అష్టాక్షరి సంపత్కుమార రామానుజ జియ్యర్ స్వామివారికి హారతి

స్వామివారికి వస్త్ర సమర్పణ

పుష్పమాల సమర్పణ

స్వామివారికి దిష్టి తీయుట

స్వామివారి ఆలయ ప్రదక్షిణ

సీతా లక్ష్మణ హనుమత్సహిత శ్రీ కోదండరాములవారికి హారతి

ఆసీనులైన స్వామివారు

స్వామివారి అనుగ్రహ భాషణం

శ్రద్ధతో ఆలకిస్తున్న మా పల్లెవాసులు

మా అర్చక స్వాములకు ఆశీర్వాదం

మమ్ములను ఆశీర్వదించి సెలవు తీసుకుంటున్న స్వామివారు.

తమ పాద స్పర్శతో మా ఇంటిని పావనం చేసిన శ్రీశ్రీశ్రీత్రిదండి అష్టాక్షరి సంపత్కుమార రామానుజ జియ్యర్ స్వామివారు

2011-12-28T04:51:00.000+05:30

మా శనగ పైరులో ట్రాక్టర్‍తో క్రిమి సంహారక మందు పిచికారీ

2011-12-22T03:54:00.000+05:30

ఇంతకు మునుపు అంటే ఓ ఏడెనిమిది సంవత్సరాల క్రితం శనగ పైరులో క్రిమి సంహారక మందు పిచికారీ చేయాలంటే తలప్రాణం తోక్కొచ్చేది.ఎందుకంటే శనగ పైరులో ఎక్కువ నడిస్తే కాళ్ళు పుండ్లయితాయి.శనగ మొక్కల్లో పులుపు ఎక్కువ ఉంటుంది.ఒకటి రెండు రోజులు నడిస్తే కాళ్ళన్నీ మంటలు దురదని గోకడం మొదలుపెట్టామా గోకుడుకు అంతముండదు ఫలితం కాళ్ళన్నీ పుండ్లు.శనగకు మందు కొట్టాలంటే కూలీలతో కూడా సమస్య.మందులోనికి నీరు కావాలంటే ట్రాక్టర్లున్నవారికి,ఎద్దులున్నవారికి పరవాలేదు డ్రమ్ముల్లో తెచ్చుకుంటారు.లేనివారు కూలీలతో దూరం నుంచి మోయవలసిందే.ఇప్పుడా సమస్య లేదు ట్రాక్టర్‍తోనే పిచికారీ.నీటికి కూడా సమస్యలేదు 500 లీ.పట్టే సింటెక్స్ ట్యాంకు బిగించబడి ఉంటుంది.ఒకప్పుడు క్రిమి సంహారక మందులు కూడా ఎక్కువ మోతాదులో వేయాల్సి వచ్చేది.వాటితో ఆరోగ్య సమస్యలు కూడా ఉత్పన్నమయ్యేవి.ఇప్పుడేమో 500లీ ట్యాంకుకు ఓ 50మి.లీ లేదా ఓ వంద గ్రాముల మందు సరిపోతుంది.ఇప్పటి మందులతో ఆరోగ్యానికి కూడా సమస్యలేదు.ఈ సాంకేతిక విప్లవానికి ధన్యవాదాలు.ఇప్పుడు మనుషులతో పనిలేదు,శరీరాలకు ఇబ్బంది లేదు.హాయిగా ట్రాక్టర్ మీద కూర్చుని రోజూ ఎన్నిఎకరాలకయినా మందు పిచికారీ చేయవచ్చు.మొదట్లో నాజిల్స్ తో స్ప్రే చేసేవారము.తర్వాత స్ప్రేగన్లతో మనుషులు కూర్చుని స్ప్రే చేసేవారము.ఇప్పుడు మనుషులతో పని లేకుండా వైపర్లు బిగించారు.

రష్యాలో ఈ ప్రభంజనానికి భయపడే భగవద్గీతను నిషేదించాలని చూస్తున్నారా?

2011-12-21T04:37:00.000+05:30

విడియోలను ఆసాంతం చూడండి.
videos courtesy: Iskon Desire Tree

పగిలిన సొరతో మేలి ముసుగులో మహిళ

2011-12-19T04:04:00.000+05:30

పగిలిన సొరతో పూల సజ్జ లేదా , fruitbowl,

2011-12-12T04:04:00.001+05:30

ఇలా బాగా ఉన్న సొరకాయను రామ సైన్యం దాడి చేసి పగులగొట్టింది.అదృష్టం కొద్దీ ఈ సొరకాయ సరిగ్గా సగానికి పగిలిపోయింది.వాటిని ఇలా furit bowl గా తయారుచేశా.

ప్రస్తుతానికి కృష్ణయ్యకోసం పారిజాతాలను నింపాను

మళ్లీ నా'సొ'రాజ్యంలోకి

2011-12-05T04:04:00.001+05:30

ఇది నా’సొ’రాజ్యం

సొరకాయ శ్రీ ఆంజనేయార్పణమస్తు

2011-11-28T04:04:00.000+05:30

ఇంటి ముందు పెరడులో రెండు సొర విత్తనాలు నాటా.కాయలు కాస్తే మనం తింటూ తెలిసిన వాళ్ళందరకూ నాలుగు కాయలు పంచుతూ చివర్లో కొన్ని కాయలను ఎండేవరకు ఉంచి వాటిపైన బొమ్మలేసుకుంటూ ఎండాకాలం కాలక్షేపం చేద్దామనుకుంటే చూడండి రామ సైన్యం ఎంత పని చేసిందో! అయినా వారి(రామసైన్యం) తప్పేమీ లేదులెండి అడవులను నాశనం చేసి వాటికి నిలువనీడ లేకుండా,ఆహారం దొరక్కుండా చేస్తున్నామాయె.మనమేమో మూడు పూటలా మ్రెక్కుతున్నాం,వారికీ ఆహారం కావాలిగదా!ఊరిమీద పడి ఇలా చేయక తప్పడం లేదు వారికి.గాలికి పోయిన పేలపిండి కృష్ణార్పణమస్తులా గాకుండా వారి కడుపు నిండితే అంతకన్నా సంతోషమేముంది. ఏమంటారు?

రామాలయ టేకు తలుపులు రూపు దిద్దుకున్నదిలా

2011-11-22T04:11:00.011+05:30

1995వ సంవత్సరంలో తాడిపత్రిలో మా గృహ ఆవరణలో 4 టేకు మొక్కలను నాటాను.వాటిలో ఒకటి మాత్రం బాగా పెరిగింది.ఆ చెట్టును గత సంవత్సరం ఆలయ తలుపులకోసం కొట్టించాను.సరైన చేవ ఉంటుందో ఉండదో అని సంశయపడ్డాము.కానీ మా అనుమానాలను నివృత్తి చేస్తూ రాముని సేవ కోసమే నేను ఎదిగానన్నట్లుగా చక్కటి చేవ,రంగుతో అలరారింది.రాముని సేవలో నేను సైతం అంటూ తన జీవితాన్ని అర్పించింది.

మా ఊరి కోదండ రామాలయంపై వైనతేయుడు సాక్ష్యాత్కరించిన విధం

2011-11-22T04:04:00.000+05:30

మా ఊరి కోదండ రామాలయ నిర్మాణ చిత్రాలు 2

2011-11-17T04:04:00.001+05:30

కార్తీక మాసంలో కార్తికేయ వివాహ మహోత్సవ శుభ సందర్భంగా అన్న వినాయకుని సొర పుష్పగుచ్ఛ కానుక

2011-11-13T04:04:00.003+05:30

ఆయన స్మరిస్తే పద్యం, అరిస్తే వాద్యం, అనర్గళం, అనితర సాధ్యం ఆయన మార్గం.ఈ రోజునుంచి అనగా నవంబర్ మాసం 13వ తేదీనుంచి అనితర సాధ్యమయిన ఆయన మార్గంలో ఆయనతో పాటుగా నడవడానికి సౌమ్యగారు సమాయత్తమయినారు.వారిరువురి జీవిత పదనర్తనం సప్తస్వరాల మేళవింపుతో హాయిగా,ఆనందకరంగా,ఆహ్లాదకరంగా సాగిపోవాలని కోరుకుంటూ ఈ సొర వినాయక పుష్ప గుచ్ఛాన్ని అందజేస్తున్నా.కార్తికేయుని సోదరుడు వినాయకులవారే కదా! ఆయన ఆశీస్సులు వారికి పుష్కలంగా అందాలని ఇలా అన్నమాట.
ఇంతకూ ఎవరాయన? ఇదిగో ఈయనే. Indrakanti karthikeya

రామ భక్త హనుమాన్ రూపు దిద్దుకున్న వైనం

2011-11-12T05:01:00.000+05:30

సొరలో చిక్కిన పులిరాజు

2011-11-10T04:04:00.001+05:30

మా ఊరి కోదండ రామాలయ నిర్మాణ చిత్రాలు

2011-11-09T04:39:00.005+05:30

మా ఊరి శ్రీ సీతా లక్ష్మణ హనుమత్సమేత కోదండరామస్వామి వార్ల పునః ప్రతిష్ఠ మహోత్సవ ఆహ్వాన పత్రిక

2011-10-25T05:52:00.013+05:30

పెద్దదిగా కనపడడానికి చిత్రం పైన క్లిక్ చేయండి.

భగవద్భంధువులందరికీ మా హృదయ పూర్వక ఆహ్వానం.మీరందరూ ప్రతిష్ఠా కార్యక్రమానికి హాజరై మాకు ఆనందాన్ని కలిగించి శ్రీరాములవారి కృపాకటాక్షములకు పాత్రులు కావలెనని కోరుకుంటున్నాము.
తాడిపత్రి జిల్లా కేంద్రమైన అనంతపురానికి 54 కి.మీ దూరములో చెన్నయ్-ముంబై రైలు మార్గమందు కడప-గుత్తి స్టేషన్‍ల మధ్య కలదు. తాడిపత్రి-పుట్లూరు మార్గంలో తాడిపత్రికి 6 కి.మీ దూరంలో మిట్టమీద కొట్టాలపల్లె గ్రామం కలదు

రండి మా సొర నావలో జలవిహారం చేద్దాం

2011-10-18T04:04:00.003+05:30

నిత్య సత్యాలు-ఆణి ముత్యాలు

అందరి మేలు కోరుకోవటమే మనకు మేలు.
చింతలను మరచి పరమాత్మ చింతన చేయండి.
లక్ష్యసాధనకు ప్రయత్నం ఆపకూడదు,వెనుతిరగ కూడదు.
పరమాత్మను స్మరించు-నిశ్చింతగా జీవించు.
ఆలోచనలు ఉన్నతమైతే-ఆచరణ మహోన్నతమగును.
అహంకారము పతనానికి మూలము.
అందరిని ఆదరించేవారు ఎల్లప్పుడూ ఆనందంగా ఉంటారు.
లక్ష్యం లేని జీవితం గవ్వతో సమానం.
సరళ స్వరూపులే-సత్య స్వరూపులు.
కష్టంతో కాదు ఇష్టంతో ఈశ్వరుని స్మృతి చేయండి.

కొబ్బరి మట్టపై సద్గురు సాయినాథుడు

2011-10-12T04:04:00.004+05:30

1.ఈ రోజు జరుగుతున్న అబ్బాయి(మదన్ మోహన్ ) పెళ్ళికి బాబాయిగా నా పెళ్ళికానుక

2.మా అబ్బాయి(విజయ చైతన్య) చదివిన పాఠశాల సాయి విజేత,తాడిపత్రి వారికిచ్చిన నేనిచ్చిన జ్ఞాపిక

సాయి భక్తులైన మా అన్నయ్య కుటుంబానికి,పాఠశాల యాజమాన్యానికీ బహుమతిగా,జ్ఞాపికగా సాయి చిత్రం అందజేయడం ఓ అదృష్టం.

స్టీవ్ జాబ్స్ కు అశ్రు నివాళి

2011-10-07T20:55:00.003+05:30

http://www.youtube.com/watch?v=gqVLRyMkYSQ

కొబ్బరి మట్టపై బాలకృష్ణుడు -లెనిన్ బాబు గారికి అంకితమీ చిత్రం

2011-10-03T04:00:00.004+05:30

కొబ్బరి మట్టపై బాలకృష్ణుడు

కూతురు గీతా ప్రియదర్శిని అకాల మరణంతో మనస్థాపం చెంది అర్థాంతరంగ తనువు చాలించిన లెనిన్ బాబు గారికి(ప్రముఖ బ్లాగర్ ఆదిలక్ష్మి గారి భర్త)ఈ చిత్రాన్ని అంకితమిస్తున్నాను.అలా ఇవ్వవచ్చో లేదో తెలియదు కానీ వారు నా మదిలో ఉన్నారన్న భావనతో ఈ పని చేస్తున్నాను.
లెనిన్ బాబు గారి ఆత్మకు శాంతిని,సద్గతిని ప్రసాదించమని ఆ కృష్ణ భగవానుని వేడుకుంటున్నాను.ఆదిలక్ష్మి గారు త్వరగా ఈ విపత్తునుంచి కోలుకోవాలని కోరుకుంటున్నాను.

మూగబోయిన ఆదిలక్ష్మిగారు

ధరలు తగ్గించే,అవినీతిని రూపుమాపే మంత్ర దండమిదిగో!

2011-09-28T05:55:00.009+05:30

ధరలు తగ్గించడానికి,అవినీతిని రూపు మాపడానికి మా దగ్గర మంత్ర దండం లేదని మన్మోహనూ,ప్రణబ్ దా ఎప్పుడూ అంటూ వుంటే ఒకటి తయారు చేసి ఇచ్చా .ఇక చూస్కోండి మన దేశంలో ధరలన్నీ పాతాలానికే ,అవినీతనేది బూతద్దంలో చూసినా కనపడదు .

సొరపై బాపు బొమ్మ

2011-09-26T06:00:00.001+05:30

ఈ సొరకాయ తొడిమ లేకుండా బోడిగా ఉందని,అలా ఉంటే బాగా లేదనిపించి
ఈ పగిలిన ముక్కను
ఇలా సరిజేసి
ఫెవికాల్‍తో రెండింటినీ అతికించి,పై తొడిమచివర నెమలి తల మాదిరిగా కనిపిస్తుంటే రెండు కళ్ళనేసి తర్వాత ఇలా బాపూగారమ్మాయిని నిలుచోబెట్టి
ఇలా రంగులద్దాను. అమ్మాయి నా బ్లాగును సందర్శించిన మీకందరికీ నమస్కరిస్తోంది నమస్కారాన్ని స్వీకరించండి.

నిత్య సత్యాలు-ఆణిముత్యాలు
అణకువ లేకుంటే అందం కూడా వికారంగా అనిపిస్తుంది.
కసురుతూ మాట్లాడకు-విసుగుతో పనిచేయకు.
కొన్ని సందర్భాలలో మాటలు వెండి-మౌనం బంగారం.
మనస్సు నిర్మలంగా(నిర్ మలినంగా) ఉండటమే శాంతి.
సంతోషంతో ప్ర్రతిపని చేసేవారికి కష్టసాధ్యం ఏమీలేదు.
పరచింత పతనానికి మూలము-స్వచింతన ఉన్నతికి సోపానము.
కోట్లకు అధిపతులైనను-ఒక్క నిముషం ఆయుష్షు కొనలేరు.
ఆదాయానికి మించిన ఖర్చు అప్పు చేయిస్తుంది.
నిర్భయతకు ఆధారం-సత్యత.
అపకారికి ఉపకారం చేయటమే ఉత్తమ లక్షణం.

నా టపాలు అన్నీ ఒకచోట

2011-09-25T06:40:00.005+05:30

దశావతారములు--ప్రహ్లాద వరద నరసింహ
గుండయిందండి మా చిన్ని కృష్ణునికి

సొరపై పుష్పాలు , సీతాకోక చిలుకలు

2011-09-12T04:04:00.003+05:30

నిత్య సత్యాలు-ఆణిముత్యాలు
ఇతరుల దురదృష్టాన్ని చూసి నవ్వటం నీ అజ్ఞానాన్ని తెలియచేస్తోంది.
మనిషి తనకు తానుగా మారటమే మహనీయత.
జీవితానందాన్ని అందరితో పంచుకోవటమే సేవ.
సంతోషాన్ని మిచిన సర్వోత్తమ పౌష్టికాహారం మరొకటి లేదు.
మంచి చేయలేకపోతే-కనీసం చెడు చేయకుండా ఉండు.
జీవన స్థాయి కాదు,జీవన సరళి గొప్పగా ఉండాలి.
సమస్యను పెంచకు-ఆదిలోనే తుంచు.
నీవు మేల్కొన్నప్పుడే నీవు నిద్రించిన సంగతి తెలుస్తుంది.
ప్రతి మనిషి తనలో మానవత్వమెంత అని ప్రశ్నించుకోవాలి.
ఎప్పటికీ తరగని మూలధనం"మంచితనం".

పగిలిన సొర పవిత్ర స్థలాన్ని చేరింది

2011-09-06T04:04:00.002+05:30

నిత్య సత్యాలు-ఆణిముత్యాలు
మనిషికి మంచి గుణమే మంచి ఆభరణము.
ధనం కోసం కాదు-గుణం కోసం పాటు పడాలి.
మాటలు ఖర్చు లేనివి,కానీ విలువైనవి.
నీలో లోపాలను గుర్తించు-పరుల మంచిని గమనించు.
ఆశలు పెంచుకుంటే అశాంతి-పరమాత్మ స్మృతితో ప్రశాంతి.
అతిభాష మతి హాని-మితభాష అతి హాయి.
నేడు చదువుల్లో ర్యాంకులు-ప్రవర్తనలో బ్లాంకులు ఉంటున్నాయి.
దైవమే ధనం-సర్వేశ్వరుడే సంపద.
నేడు మానవాళిని నడిపిస్తున్నది నవగ్రహాలు కాదు రాగద్వేషాలు.
మనసు అలసిపోతే చిన్నపని కూడా ఎంతో శ్రమ అనిపిస్తుంది.

కృష్ణం వందే జగద్గురుం

2011-09-01T06:09:00.000+05:30

వినాయక చవితి శుభాకాంక్షలు-సొరకాయపై వినాయకుడు

2011-09-01T04:04:00.005+05:30

తెలుగు బ్లాగు లోకానికి వినాయక చవితి శుభాకాంక్షలు.

ఒకే ఒక్కడు -దేశంలోని అవినీతి విశ్వరూపాన్ని మనందరికీ చూపించిన వాడు

2011-08-30T05:16:00.013+05:30

ఒకే ఒక్కడు -దేశంలోని అవినీతి విశ్వరూపాన్ని మనందరికీ చూపించిన వాడు,

రాందేవ్‍బాబా విదేశీ బ్యాంకుల్లోని మన దేశ నల్ల డబ్బును మనదేశానికి తిరిగి తీసుకువావాలని దీక్ష చేపట్టడానికి కారణమయినవాడు,

అన్నాహజారే అవినీతి నిర్మూలనకు నిరాహారదీక్ష చేపట్టి కేంద్ర ప్రభుత్వ మెడలు వంచడానికి కారణమయినవాడు,

కనిమొళి,రాజాలు కారాగార ఊచలు లెక్కపెట్టడానికి కారణమయినవాడు ,

సోనియా గాంధీ పుట్టుపూర్వోత్తరాలు భారతావనికి తెలియజేసినవాడు,
http://janataparty.org/sonia.html

హిందూ ధర్మ రక్షణ కోసం పాటుబడుతున్నవాడు,

నిశ్శబ్దంగా తన విద్యుక్త ధర్మాన్ని నిర్భయంగా,సక్రమంగా నిర్వర్తిస్తున్నవాడు,

ఎటువంటి ప్రచార పటాటోపాలు లేనివాడు,

అన్నింటికీ మించి నిజమైన లౌకికవాది(Swamy is married to Dr. Roxna Swamy (a Parsi), an advocate at the Supreme Court of India. He has two daughters, Gitanjali Swamy and Suhasini Haider, the latter a journalist at CNN-IBN His brother-in-law is Jewish, his son-in-law Muslim, his sister-in-law Christian .

ఇంకెవ్వడు ఒకే ఒక్కడు ఆయనే శ్రీ సుబ్రహ్మణ్యం స్వామి .

సుబ్రహ్మణ్యం స్వామి గారి రచనలు ఇక్కడ చదవండి
హిందూత్వం గురించి సుబ్రహ్మణ్యం స్వామి విడియోలు
1
2
3
4
5

కరణ్ థాపర్ తో

సొరమయం

2011-08-29T18:13:00.002+05:30

తను కాంప్లాన్ తాగింది -నేను తాగలేదు అదీ తేడా

2011-08-29T05:42:00.002+05:30

picture courtesy:గూగుల్

తెలుగు బ్లాగు మిత్రులందరికి తెలుగు భాషా దినోత్సవ శుభాకాంక్షలు

నిత్య సత్యాలు-ఆణిముత్యాలు

కష్టనష్టాలు కదిలే మేఘాల వంటివి.
జగన్నాధుడే ప్రాణనాధుడు-విశ్వేశ్వరుడే ప్రాణేశ్వరుడు.
ఆత్మానందం పొందాలంటే-ఆచారంతో పాటు ఆచరణ కూడా చేయాలి.
త్యాగమే అమృతత్వం అదే శాశ్వతం.
నూరు మాటలు చెప్పటం కంటే ఒకటి చేసి చూపించటం మేలు.
సర్వులను ప్రేమించు-సర్వులను సేవించు.
జ్ఞానార్జనయే-సత్యమైన ధనార్జన.
ఓర్పును మించిన నేర్పు-శాంతిని మించిన సాధన లేదు.
సారము వెదకువారు భారమును చూడరు.
అందరి ఆనందమే జీవిత పరమార్థం కావాలి.

పర్యావరణ ప్రేమికులమని చెప్పుకునే మహానుభావులారా !లగెత్తుకు రండి వినాయక నిమజ్జనాన్ని విమర్శిద్దాం!

2011-08-27T04:33:00.011+05:30

హుస్సేన్ సాగర్‍లో ఇలా నిత్యం సంవత్సరం పొడవునా జరిగే విష కాలుష్యంకన్నా

ఏడాదికోనాడు జరిగే వినాయక నిమజ్జనం వల్ల జరిగే పర్యావరణ కాలుష్యం చాలా చాలా ప్రమాదకరం.కాబట్టి ప్రజలారా మీరంతా మట్టి వినాయకులనే పూజించండి!పర్యావరణాన్ని కాపాడండి!

నిత్య సత్యాలు-ఆణిముత్యాలు
సంసార సాగరం దాటాలంటే-సంస్కారముల పరివర్తన కావాలి.
కోరికలు పెరిగే కొలది ఆనందం తగ్గుతుంది.
మితిమీరిన ఆశల వలన మనసు గతి తప్పుతుంది.
శాంతి లేకుంటే మనసుకు విశ్రాంతి లేదు.
వాంచల త్యాగమే మహోన్నతికి మార్గము.
దేహ శుభ్రతతో పాటు భావ శుద్ధత అత్యంత అవసరం.
గొప్పవారు కావాలి,అయితే మంచివారుగా ఉండాలి.
ఆశలను తగ్గించు-ఆశయాలను పెంచు.
రాగ,ద్వేష రహితుల గృహమే స్వర్గము.
ధర్మాచరణ వలన సత్‍బుద్ధి కలుగుతుంది.

సొరపై బాలకృష్ణుడు

2011-08-26T05:00:00.002+05:30

నిత్యసత్యాలు-ఆణిముత్యాలు అనే చిన్న పుస్తకాన్ని గోసేవా క్షేత్రము-ఓం శాంతి గార్డెన్,చెవుటూరు,కృష్ణాజిల్లా వారు ప్రచురించారు.వారు ఒక మాటన్నారు.ఈ పుస్తకం మీకు నచ్చితే పదుగురికీ పంచండి తద్వారా మంచిని పంచే ఈ ప్రయత్నంలో భాగస్వాములు కండి.ఈ నిత్య సత్యాలు నిజంగా ఆణి ముత్యాలే.వాటిని అందరితో పంచుకోవాలనిపించి ప్రతి టపాలో కొన్ని పొందుపరచాలనుకుని ఈ టపానుంచి ప్రారంభిస్తున్నాను.

ధర్మాన్ని మనం రక్షిస్తే ధర్మం మనల్ని రక్షిస్తుంది. ధర్మాన్నిమనం పాటిస్తే ఆ ధర్మమే మనల్ని రక్షిస్తుంది.
జీవన మాధుర్యం అనుభూతి కావాలంటే గతాన్ని మరవాలి.
చేసిన మేలు మరచిపో-పొందిన మేలు గుర్తుంచుకో.
శ్రేష్ఠకర్మల జ్ఞానమే భాగ్యరేఖలు గీసే కలము.
చితి నిర్జీవులను కాలుస్తుంది-చింత సజీవులను దహిస్తుంది.
జీవితం కరిగిపోయే మంచు-ఉన్నంతలో నలుగురికీ పంచు.
తినటం కోసం జీవించకు-జీవించటం కోసం తిను.
మణుగులకొద్దీ మాటల కన్నా-చిన్నమెత్తు ఆచరణ మిన్న.
కష్టాలు ఒంటరిగా రావు-అవి అవకాశాలను వెంట తీసుకు వస్తాయి.
ఆచరణ లేని ప్రచారం పంట పండని భూమి వంటిది.

సొరకాయపై కూర్చొని వెన్న,అటుకులు నైవేద్యం పెట్టాను రావయ్యా నా బాపూ కిట్టయ్యా అంటే రాకుండా ఉన్నాడు

2011-08-22T04:04:00.001+05:30

శ్రీ కృష్ణాష్టమి శుభాకాంక్షలు

సొరతో అందమైన నెమలి

2011-08-18T05:00:00.000+05:30

తిరుమలలో భారతీయ మహిళ విదేశీయతను సంతరించుకుంది

2011-08-15T04:51:00.007+05:30

తిరుమలలో భారతీయ మహిళ విదేశీయతను సంతరించుకుంది .ఎలా అంటారా ? ౩౦౦ రూపాయల క్యూలో మహిళా శౌచాలయాల అదేనండి మరుగుదొడ్ల తలుపులకు సంప్రదాయ భారతీయ మహిళ చిత్రానికి బదులు విదేశీ మహిళ చిత్రాలు దర్శనమిస్తున్నాయి .

తిరుమల తిరుపతి దేవస్థానంవారూ! భారతీయ మహిళలు చాలామంది (అందరూ కాదనుకోండి )ఎంత జబ్బలులేని జాకెట్లు వేసుకుని ,దయ్యాల్లా జుట్టు విరబోసుకుని బొట్టు లేకుండా చాలీ చాలని బట్టలతో తమ అందాల్నిబహిరంగంగా ప్రదర్సిస్తున్నంత మాత్రాన మీరు ఇలా చేయడం బాగాలేదండి.

ఇలా ఉండాల్సిన చిత్రం

ఇలా దర్శనమిస్తోంది

సొరతో హంస

2011-08-12T04:34:00.003+05:30

అయ్యా ద్రావిడూ నువ్వెంత బాగా ఆడినా క్రికెట్ గోడవేగాని క్రికెట్ దేవునివి మాత్రం కాలేవు

2011-08-09T11:59:00.005+05:30

అయ్యా ద్రావిడూ! క్లిష్ట పరిస్థితుల్లో నువ్వెంత బాగా ఆడినా క్రికెట్ గోడవేగాని క్రికెట్ దేవునివి మాత్రం కాలేవు. ఎందుకంటే అవసరమొచ్చినప్పుడు,ఆపదలోనూ ఆడినా ఆడకపోయినా దేవుడని పిలువబడే ఆయనొకడుండాడు.

రంగు రంగుల సొర

2011-08-08T07:45:00.002+05:30

సొరతో గృహాలంకరణ

2011-08-06T07:32:00.001+05:30

వాళ్ళు వేదాల ద్వారా సమైక్యత,ప్రేమ ,శాంతిని సాధించి యూరోపును ఆధ్యాత్మికంగా ఒక్కటిగా చేయాలని చూస్తున్నారు

2011-07-27T06:30:00.008+05:30

వాళ్ళు వేదాల ద్వారా సమైక్యత,ప్రేమ ,శాంతిని సాధించి యూరోపును ఆధ్యాత్మికంగా ఒక్కటిగా చేయాలని చూస్తున్నారు

మరి ప్రపంచానికి వేదాలనందించిన భారతీయులమేమి చేస్తున్నాము.వేదాలను వదలివేసి పాశ్యాత్య నాగరికత మోజులో పడి గొప్పవైన మన సంస్కృతీ సంప్రదాయాలను గాలికొదిలేసి భౌతిక వాదాన్ని స్వీకరించి ధనంపైన ఆత్యాశతో దానికోసం నానా గడ్డీ కరుస్తూ ఒక జాతిగా సోదరభావంతో కలిసి ఉండాల్సిన మనం కుత్సిత బుద్ధులతో,కుట్రలూ కుతంత్రాలతో దేశాన్ని, రాష్ట్రాన్ని ముక్కలు చేయాలనుకుంటున్నాము.

విషయమేమిటో ఇక్కడ చూడండి.

ఇక్కడ కూడా

అలా నిర్లిప్తంగా వేణువూదుతూ ఉండొద్దు కృష్ణా!ప్రస్తుతమున్న భయంకర పరిస్థితినుంచి ఈ రాష్ట్రాన్ని,దేశాన్ని కాపాడు స్వామీ!

2011-07-25T04:58:00.003+05:30

సొరకాయతో ప్లవర్ వేజ్ తయారయిన వైనం

2011-07-15T05:34:00.001+05:30

సొరకాయతో గృహాలంకరణ

2011-07-10T04:10:00.002+05:30

పగిలిన సొరకాయ ముక్కను శుభ్రం చేసి బొమ్మలేసి క్రింద పాడయిన సీడీకి అతికించాను.