కష్టపడకుండా అందలమెక్కడానికి, పతకాలు సాధించడానికి సులభమైన మార్గం

నేపథ్యం:ఒలింపిక్స్ లో పతకాలు సాధించడానికి చైనావారు పిల్లలను శారీరకంగా,మానసికంగా చాలా బాధపెడుతున్నారన్న వార్త

కష్టపడకుండా రావడానికి అవేమన్నా ఆంధ్రప్రదేశ్ ముఖ్యమంత్రి మరియు మంత్రిపదవులా?

ఒలింపిక్స్ క్రీడల్లో పతకాలు సాధించాలంటే పసివయసునుంచే తీవ్రంగా శారీరకంగానూ,మానసికంగానూ కష్టపడాల్సిందే! తప్పదు.

 డాక్టర్ సీటో,మంచి ఇంజనీరింగ్ సీటో సంపాదించాలంటే ఎల్కేజీ నుంచే ఐ ఐ టీ కోచింగూ,ఎమ్సెట్ కోచింగూ తీసుకుంటూ తల్లిదండ్రులనూ,బాల్యాన్నీ,ఆటపాటలన్నింటినీ వదలివేసి శారీరకంగా,మానసికంగా కష్టపడాల్సిందే! తప్పదు.

ప్రపంచానికి ఆహారాన్ని అందించాలంటే రైతులు నిద్రాహారాలు,భార్యలను వదలివేసి(రాత్రిపూట పొలాలకు నీళ్ళు పెట్టాలంటే తప్పదుమరి),ఎరువులు,విత్తనాలకోసం క్యూలలో రోజుల తరబడి  పడిగాపులుగాస్తూ ,కూలీల సమస్యలతో శారీరకంగానూ మానసికంగానూ కష్టపడాల్సిందే! తప్పదు.

ఇక శారీరకంగా,మానసికంగా కష్టపడకుండా అందలమెక్కడమెలా అంటారా? అమ్మ సోనియాకు ఊడిగం  చేయడమే! అమ్మను,అమ్మకొడుకునూ అష్టోత్తర,సహస్ర నామాలతో భజన చేయడమే! దీనికి పెద్దగా మెదడును,శరీరాన్ని కష్టపెట్టాల్సిన అవసరం లేదు.చేయవలసిందల్లా సిగ్గూ శరమూ వదలివేయడమే! అందరూ పాటించండి అత్యున్నత ఫలితాలూ,పతకాలూ పొందండి ఆలసించిన ఆశాభంగం

picture courtesy:Google.

 నా టపాలన్నీ ఒకచోట